De Landesregeren besteiht ut de Ministerpräsident un de Ministersches un Ministers. Mitnanner bilden se dat Kabinett. Dat Kabinett bestimmt, waar dat in de Landespolitik langs gahn sall, verdeelt de Upgaven tüschen de verscheden Ministerien un beslutt Gesetzvörlagen, de denn in de Nedersassische Landdag vörleggt worden mutten, dat de daarover ofstimmen kann.

De Landesregeren hett de utföhrende Gewalt. So heet dat in de Nedersassische Verfaten. Man de Macht van de Landesregeren is begrenzt. Daarför sörgen de Vörgaven van de Politik ut Berlin un Brüssel un nich tolesd de Verfaten sülvst. To de egentlike Upgaven van de Landesregeren höört dat Gestalten un dat Vörbereiden van Gesetzen in Saken School- un Hoogschoolpolitik, Kunst un Kultur un se bestimmt de Richtlinien för Polizei un Binnensekerheid. De Landdag, also dat Parlament van 't Land Nedersassen, wählt in en gehemen Ofstimmen de Ministerpräsident, de denn de anner Leden van de Landesregeren bestimmt. Bevör de Landesregeren mit hör Wark anfangen kann, mutt de Landdag eerst noch tostimmen.

De Leden van de Landesregeren: