De Nedersassische Landdag
As wählte Vertreders van 't Volk is de Landdag dat boverste Verfatensorgan van 't Land. De Landdag beslutt de Landesgesetzen un de Landeshuushollen un wählt de Ministerpräsidentin of de Ministerpräsident. Butendeem warkt de Landdag mit bi dat Tosamenstellen van de Regeren un kuntrolleert de Landesregeren.
De Landesregeren
De Landesregeren besteiht ut de Ministerpräsident un de Ministersches un Ministers. Se bestimmt, waar dat in de Landespolitik langs gahn sall, verdeelt de Upgaven tüschen de verscheden Ministerien, beslutt Gesetzvörlagen, de denn in de Nedersassische Landdag vörleggt worden mutten, dat de daarover ofstimmen kann.
Justiz in Nedersassen
De Justiz is mit dat Gesetzgeven (Legislative) un de Verwalten (Exekutive) de darde dragende Pieler van uns demokratische Staatsörnen. Dat Justizministerium is dat boverste Landesamt un tostännig för all Gerichten, Staatsanwaltschuppen un Gefängnissen in Nedersassen.
